秋老虎发威咗几日,就俾天阴凉风打败咗,可能着短袖衫嘅日子一去不复返啦。呢种天气最啱打下边炉,不过如果食太多牛羊肉,唔单止会肥,仲会好热气。用多D青菜、菇类同鱼肉嚟代替牛羊肉,会健康D嘎,一于嚟个海鲜火锅啦。想唔热气除咗饮凉茶之外,仲可以试下用芝麻酱代替辣椒酱,味道一样顶呱呱!
十月廿八
宜:晨跑
忌:洗车
每日提醒
天气渐凉,是消化溃疡的好发季节,要注意养好脾胃。
奢侈指数
珠宝唔合格买金睇真D
年底多婚宴又多节庆,好多朋友都要去买金,但系最近有珠宝监测显示“周六福”“金大福”“金六福”等好多间珠宝店产品唔合格,D牌子全部都系“金”“福”,又好容易沟乱,大家去买金器嗰阵记得金睛火眼啦。
快递指数
申通爆仓网购留神
受前嗰排“光棍节”网购促销嘅影响,多间快递公司都大叫顶唔顺,有人仲上传咗申通嘅货物堆积如山、日晒雨淋嘅照片添。虽然申通、顺风两间快递公司都话会尽快恢复正常,但系如果急住买嘢,都系唔好靠网购啦。
驾车指数
专偷后视镜车主要小心
听讲喺天河东圃盈彩美居小区附近,有人专门偷名车嘅后视镜,搞到好多停车场都唔敢接奔驰宝马。各位车主如果要去附近,除咗好难揾位停车,分分钟仲后视镜不保添……都系搭公交去好过。
婚嫁指数
淘二手婚纱价钱平一半
好多谂住龙年春天拉埋天窗嘅朋友,最近喺度烦婚纱、裙褂嘅事,买
就要成千蚊,
唔买又唔得。
听讲家阵有
唔少影楼将二手婚纱摆上网出租,有人仲会将只系着过一次嘅婚纱摆上网卖,价钱平一半嘎。来源:中国火锅网
|